Ο Γιώργος που ξανάγινε Gjergji!

Γκόρος: «Το μόνο κακό του Μπολάνου δεν είναι ότι είναι υπέρ του Ελληνισμού!»

Τα κλαρίνα, και μάλιστα με πατριωτικούς στοίχους για τη Βόρειο Ήπειρο, που ακούστηκαν στο εκλογικό κέντρου του Γιώργου Γκόρου αμέσως μετά την εκλογή του στο Δήμο Χειμάρρας, μετρίασε κάπως την λύπη των υποστηρικτών του Μπολάνου εντός και εκτός δήμου. Αναγνώστης του «Βορειοηπειρώτη» μάλιστα μετά τις εκλογές, μας είχε στείλει ένα ενδιαφέρον άρθρο με τίτλο «Ευτυχώς ο Μπολάνος έχασε». Το αρθρο αυτό δεν δημοσιεύτηκε γιατί ο συντάκτης αρνήθηκε να αλλάξει τον τίτλο που εμείς θεωρούσαμε προβοκατόρικο. Το άρθρο έκανε λόγο για την ανάγκη προσέγγισης και βοήθειας του Γκόρου, καθώς η απομόνωση του θα οδηγούσε σε καταστρεπτικά αποτελέσματα για τον ελληνισμό της Χειμάρρας και ευρύτερα.

Πριν ακόμα γίνει επίσημα η αλλαγή στο Δήμο Χειμάρρας, ο Γκόρος προμήνησε με μακροσκελές άρθρο του στη “Shekulli”, το πνεύμα με το οποίο θα διοικεί το Δήμο των Χειμαρραίων, προδίδωντας  παράλληλα και το κόμπλεξ που έχει καθώς θα τον ακολουθεί πάντα η σκια και η σύγκριση του Μπολάνου.  Για όσους δεν το ξέρουν, ιδιοκτήτης της “Shekulli” είναι ο Κώτσο Κοκδήμας  μεγαλοεργολάβος από το Κυπαρό Χειμάρρας και σφοδρός πολέμιος του Γενικού Προέδρου της Ομόνοιας.

Ο Γκόρος απάντησε σε άρθρο της εφημερίδας, ενός δημοφιλή αναλυτή που υπογράφει ως Koloreto Cukali με τίτλο «Καλός ο Γκόρος αλλά…» . Σπάνια κάποιο αλβανικό μέσο να πει καλή κουβέντα για το Μπολάνο και ίσως για πρώτη φορά η “Shekulli” είδε θετικά στοιχεία στη διοίκηση Μπολάνου, διαπίστωσε το σεβασμό που έτρεφαν οι Χειμαραίοι στο πρόσωπο του και ότι στην Αλβανία δημιουργήθηκε μια κιτς μόδα του «αντιμπολανισμού» μέσω του facebook και άλλων μέσων.

Ο Γκόρος βλέποντας ότι ακόμα και μετά την νίκη του, τα φώτα της δημοσιότητας παραμένουν στραμμένα στο Μπολάνο θέλησε να τραβήξει την προσοχή με τοποθετήσεις που θα στεναχωρήσουνε ακόμα και το συντάκτη του άρθρου «Ευτυχώς ο Μπολάνος έχασε».

Θέλουμε να πιστεύουμε ότι η φράση του Γκόρου «Το μοναδικό κακό του Μπολάνου δεν είναι ότι είναι υπέρ του Ελληνισμού»  να μην έχει το προφανή νόημα αλλά να σχετίζεται με τη φράση του Cukali στο άρθρο του. Ελπίζουμε ακόμα ότι δεν θα αρνηθεί την Ελληνική του καταγωγή και γλώσσα στο βωμό του πολιτικού κέρδους που του προσφέρουν απλόχερα τα αλβανικά κέντρα.

 

Ακολουθεί το άρθρο του κ. Γκόρου στα Αλβανικά:   

“Djali i mirë” Goro dhe turisti i painformuar Cukali

Nga Gjergji Goro *
Në kolonën e komenteve dhe analizave, gjithnjë jam ndalur më së shumti në leximin e opinioneve të emrave të paangazhuar në politikë, të intelektualëve të shoqërisë civile, të cilët kanë një shqetësim, por që e ndjejnë se duhet ta ndajnë me të tjerë. Njëri nga këta ishit edhe ju, zoti Koloreto Cukali. Jam impresionuar nga ndjeshmëria e lartë, me të cilën shkruanit mbi problematikat e ndryshme sociale, duke kritikuar gjithçka që ju duket e gabuar. Ju ndjeheni i shqetësuar për një brez të rinjsh që nuk lexon, për të nesërmen e tyre, për problemet e turizmit, të papunësisë dhe shumë mirë bëni. Fundja pasuria më e madhe e një kombi janë elitat intelektuale që sjellin zhvillimin falë përgjegjshmërisë, me të cilën e jetojnë jetën dhe mospajtimit me të keqen, kudo që e hasim atë. Mirëpo, gjithë ky opinion i mirë mu tjetërsua, kur lexova shënimet tuaja për një udhëtim që kishit bërë në zonën e bregut. Pas atij shkrimi, nuk di sinqerisht se në çfarë kategorie t’ju rendis; tek intelektualët e përgjegjshëm jo më, mbase tek kategoria e turistëve të shkujdesur që si në rastin tuaj, shkon, sheh, pyet nja dy vetë e shkruan si i vjen për mbarë, sepse po i vjen e diela dhe duhet të dorëzojë një shkrim.
Por, zoti Cukali, a ju duket se keni marrë përsipër një përgjegjësi shumë të madhe mbi supe, duke shkruar në një gazetë shumë të lexuar si “Shekulli” dhe roli i turistit të shkujdesur, në këtë rast është i pafalshëm për ju? Ju keni nisur të bëni një reportazh, sepse fundja askush nuk po ju thotë pse nuk bëtë gazetarin investigativ, por a është kjo një arsye që ju duke u mbrojtur pas subjektivizmit tuaj, të nxirrni konkluzione të pabaza? Ju e keni filluar me reportazh, keni vijuar duke bërë politikë dhe në fund nuk keni bërë asgjë tjetër veçse keni çuar dëm një faqe gazete.
Tani, unë do të rendis disa argumente duke përdorur të njëjtin format të shkrimit sikurse bëni edhe ju, sepse ndoshta kështu do të arrini të më kuptoni më mirë.

Kur Cukalin e merr malli për Bollanon
Jam i bindur se ju, zoti Cukali, jeni nga të paktët shqiptarë që keni nostalgji për Bollanon dhe unë sinqerisht nuk arrij ta kuptoj arsyen e përmallimit tuaj. Ju thoni se disa banorë të bregut që takuat në rrugë e vlerësojnë shumë atë! Po mirë more zotëri, si njeri intelektual dhe me formim perëndimor, nuk i bëtë pyetje vetes, këta njerëz që e donin kaq shumë dhe e shihnin si shpëtimtarin e tyre, pse nuk e votuan që ai të ishte prapë kryetar bashkie? Mos vallë erdhën ufot e vendosën që kryetar bashkie të mos ishte më ai, por një tjetër?  Nga i keni marrë ju, zoti Cukali, informacionet se Bollanon nuk e duan vetëm snobët e kryeqytetit dhe përdoruesit e “Facebookut”? A jeni interesuar ju ndonjëherë se çfarë ka bërë konkretisht ky individ i zgjedhur me votat e popullit për këta të fundit? Përgjigja është se ai jo vetëm nuk ka bërë asgjë, por e ka kthyer disa hapa mbrapa këtë komunitet me veprimet dhe mosveprimet e tij. Dhe të gjitha këto i ka bërë jo sepse nuk është “politikan i zgjuar dhe nuk di të krijojë një imazh”, ashtu siç jeni shprehur ju, por sepse ishte një zyrtar i korruptuar. Në këtë sens, Bollano është mëkatari, madje edhe fajtori i madh, dhe prandaj mori dhe atë që meritonte më 8 maj. Dhe kur them mëkatar, nuk e kam fjalën për propagandën e tij pro-greke, sepse ju tek ai vetëm këtë të keqe shihni, por për katrahurën që ai njeri ka bërë me pronat e njerëzve të bregut, duke i tjetërsuar ato dhe nga ana tjetër duke vënë njerëzit në gjumë sikur ai po përpiqet shumë për ta.

Betonieret e epokës post-Bollano
“Kur ishte Bollano, nuk pipëtinte miza, tani kalon një betonierë çdo 20 minuta, sepse Bollano nuk është më” – shkruani ju. Në këtë rast bëni një gabim të pafalshëm dhe në rastin më të mirë jeni totalisht i painformuar, ndërsa në rastin më të keq po i shërbeni dikujt… Sikur në shkrimin tuaj të kishit ngritur problemin e ndërtimeve pa leje dhe pa kriter në një zonë turistike, pa e menderosur më tej me lavdet për Bollanon, sinqerisht do t’ju kisha shtrënguar dorën, sepse do t’i kishit bërë një shërbim shumë të madh komunitetit që jeton këtu, por edhe pushuesve. Ky është një shqetësim i përbashkët, sepse derisa unë të marr zyrtarisht detyrën, jam i detyruar të pres në pamundësi për të ndërhyrë. Por po ju jap një lajm të keq zoti Cukali. Është pikërisht ai Bollano, për ikjen e të cilit juve ju qan zemra, i cili në largim ka dhënë leje ndërtimesh pa kriter, sipas stilit “pas meje le të bëhet qameti”. Natyrisht, kjo është një kosto shumë e madhe për mua që pres të marr detyrën e re, si dhe për stafin tim, sepse problemet ekzistuese këtu na dalin e na teprojnë. Mirëpo, djallëzia e paraardhësit tim shkon deri aty sa një turisti të shkujdesur si ju, as që ia pret mendja. Kështu, ka të ngjarë që për aq kohë sa të mos bëhet emërimi zyrtar i kryetarit të ri, betonierët nga një në çdo 20 minuta, mund të bëhen edhe një në çdo 5 minuta.

Djali i mirë Goro, por…
Të jesh djalë i mirë nuk më duket ndonjë gjë e keqe, paçka se sot në këtë realitet që jetojmë mund të kesh më shumë vlera kur të quajnë “i fortë”. Unë, zoti Cukali, vij nga një familje e mirë prandaj dhe jam “djalë i mirë”, siç më quani ju në shkrimin tuaj. Nuk kam asnjë biznes timin dhe as ndonjë pasuri të trashëguar e gjithë jetën time kam jetuar me rrogë, pa asnjë të ardhur tjetër, kështu që nuk kam pasur as edhe një mundësi për të paguar për mandatin tim, por edhe po të kisha nuk do ta kisha bërë kurrë, sepse formimi im nuk e pranon këtë lloj kompromisi aq më shumë me njerëz, me të cilët jam rritur.
Por më çudit fakti se si ka mundësi që ju si një intelektual i përgjegjshëm, qenkeni dakord me faktin që “s’ka problem kur votat blihen, mjafton që t’i blejë një djalë i mirë”!? Çfarë vlere ka kjo në penën tuaj e ca më shumë në faqet e një gazete që lexohet nga mijëra njerëz? Çfarë mesazhi po kërkoni ju t’u përcillni atyre? Si mundeni ju të përbaltni një njeri që nuk ka bërë akoma asnjë ditë punë dhe që nuk e njihni dhe të ngrini lart figurën e dikujt që është diskredituar falë punës së keqe? Mbi të gjitha, si mundeni ju të dilni kundër një opinioni të tërë duke thënë se të shash Bollanon është bërë si modë, a thua se të gjithë qenkan të çmendur e nuk dinë çfarë thonë e vetëm ju na qenkeni i zgjuar!?

Dilema, Himara me apo pa baraka?
Ju, zoti Cukali, në shkrimin tuaj thoni se “burrat e mençur të bregut parashikojnë se pas 10-20 vitesh nuk do të ketë mbetur asgjë. Do të ketë vetëm ndërtime dhe fshatra turistikë”. Në këtë rast, ju shprehni keqardhjen tuaj, apo jo? Po pse? Ju nuk jeni dakord që në vendin tuaj të bëhen ndërtime, që një zonë si ajo e bregut, e mbajtur deri dje peng për interesa të caktuara, më një fund të marrë frymë e të zhvillohet? Po pse more zoti Cukali kur shkoni jashtë shtetit për pushime, ku flini, ku hani, ku dhe si e bëni plazhin? A nuk kërkoni një hotel të mirë, një restorant të bukur e një vend të pastër për të bërë plazh? Apo kërkoni barakat e Bollanos dhe ujërat e zeza që i ka derdhur në det jetë e mot?
Edhe si qytetar i përgjegjshëm, por edhe si turist i shkujdesur, problemin duhet ta kishit shtruar kështu; “unë dëshiroj që pas 10-15 vjetësh këtë vend ta shihja tërësisht të ndryshuar, por, natyrisht, sipas një plani të studiuar mirë dhe mbi të gjitha, pasi të jenë zgjidhur të gjitha problemet e pronave, sepse nuk mund të ndërtojmë në ajër”. Këto janë problematikat, me të cilat unë dhe stafi im do të përballemi gjatë këtij mandati, me besimin se do t’ia dalim me sukses, sepse kemi dëshirë për punë e për të bërë gjëra të bukura. Ju, ndërkohë, bëni durim dhe prisni, vijoni të shkruani të dielave tek “Shekulli”, natyrisht duke qëndruar në lartësitë e mbiemrit që mbani. Madje, po ju jap unë një ide për shkrimin e ardhshëm. Falë hapësirës që ju jepet në gazetë, ju mund të ngrini fare mirë problemin e moratoriumit të mjeteve të lundrimit që po çudit të madh e të vogël, shqiptar e të huaj, se si ka mundësi të vazhdojë të qëndrojë akoma në fuqi, aq më tepër tani që u liberalizuan vizat. Pas kësaj jeni i mirëpritur në zonën e bregut për pushime dinjitoze, sepse një jetë më të mirë e meritojmë të gjithë.

*Kryetar i Bashkisë së Himarës